Төслийн үндсэн зорилго нь Монголын ерөнхий боловсролын сургуулийн сурагчид, ялангуяа хичээлийн чанартай материал, өндөр чадвартай багш боловсон хүчнээр дутагдаж буй хөдөө орон нутгийн сурагчдын хэрэгцээг хангахад оршино. Өнөөдөр хүүхэд бүр орчин үеийн шаардлагад нийцсэн боловсролын үйлчилгээгээр хангагдаж чадахгүй байна. Боловсролын үйлчилгээний ялгаатай байдал нь хот болон хөдөөгийн хөгжлийн ялгааг улам ихэсгэж байна.

Боловсролын хүртээмжийн энэхүү ялгааг багасгахын тулд  төслийн хүрээнд орчин үеийн технологийн хөгжил, тэр дундаа телевиз, интернет, гар утсыг ашиглан алсын зайн сургалтын нэгэн дэвшилтэт хэлбэрийг туршина. Боловсрол суваг ТВ уг төслийн хүрээнд өөрийн туршлагадаа үндэслэн теле хичээлийн агуулгыг Интернэтэд байрлуулж, гар утсыг багш сурагчдын хоорондох эргэх холбоонд ашиглана. Энэхүү төслийн онцлог нь технологийн гурван төрлийг ашиглан зайн сургалт явуулах явдал юм.  

Технологийн олон хэлбэрийг хослуулсан зайн сургалтаар өндөр чадвар бүхий багшийн заасан хичээлийг Монгол орон даяар сурагчдын хүртээл болгох туршилтын төсөлд дүн шинжилгээ хийх явдал юм.  

• Туршилт төсөлд хамрагдаж байгаа сурагчдын Англи хэл, Компьютерын хичээлийн мэдлэг, ур чадварт ахиц гаргах
• Сурагчдыг онлайн хэлбэрээр сургалтын нэмэлт материалаар хангаж, эргэх холбоо бүхий сургалтын орчинг бий болгох
• Англи хэл, компьютерын хичээлийг заах сонирхолтой аргуудыг танилцуулж, орон даяар бусад багш нарт үлгэр дууриал болгох
• Технологийн гурван хэлбэрийг хослуулсан зайн сургалтын туршилтын үр дүнг судалж, дүгнэлт гаргах  
• Аймаг, дүүргийн боловсролын газар болон БСШУЯ-д боловсролын үйлчилгээний хүртээмжийг сайжруулахад технологийг ашиглах зарим боломжит хувилбарын талаар санал, зөвлөмж боловсруулан хүргэх

• Боловсролын хүртээмжийг сайжруулахад технологид суурилсан зайн сургалтын аргыг хэрэглэх талаарх бодлого боловсруулагчдын ойлголт хандлага сайжирна.  
• Зэрэгцээ олон хандалттай онлайн сургалтын нэгдсэн систем  туршигдаж амжилттай ажилладаг болно.  
• Туршилтад хамрагдсан сурагчдын англи хэл, комьпютерын хичээлийн мэдлэг, ур чадвар, сэтгэл ханамж нэмэгдэнэ.

• Телевиз, вэб, гар утас гэсэн технологийн гурван хэлбэрийг хослуулан хэрэглэсэн зайн сургалтын систем
• Судалгааны үр дүнд үндэслэсэн ерөнхий боловсролын сургуульд зайн сургалтын аргаар зарим сургалтыг явуулах талаар бодлогын зөвлөмж
• Төслийн үйл ажиллагааны нэгдсэн тайлан, төслийн үйл ажиллагааг цаашид өргөжүүлэх санал
• Судалгааны өгүүлэл
• Төслийн талаарх телевизийн нэвтрүүлгүүд
• www.dreamit.mn сайтад төслийн булан

Сэтгэгдэл (1)

Сэтгэгдлээ бичнэ үү