Дэлхий нийтийн хямрал нь ажил хайлтыг хэзээ ч байгаагүйгээр эрэлт хэрэгцээтэй, өндөр болгож, өрсөлдөөнийг нэмэгдүүлсэн. Гэвч бид хүссэн ажилдаа ороход боломжгүй зүйл гэсэн үг биш. Гол асуудал нь ажлын байр байхгүйд биш, ажилд хэрхэн өөрийгөө бэлдэх, түүнд өөрийгөө хэрхэн ”Тэнцүүлэх”-ээ мэддэггүйд байгаа юм.

Ажил хайгч хүн бүхэнд өөрийнхөө талаарх мэдээллийг ажил олгогчдод утсаар болон нүүр тулан уулзахад зөвөөр ойлгуулах, тавьсан асуултуудад амжилттай хариулах, зөв сэтгэгдэл төрүүлэх, тэдний өмнө өөрийн айдсыг даван гарах, мэргэжилдээ тэнцэхүйц эзэн хэмээн батлан харуулах асуудлууд тулгардаг. Харин бидний сургалт эдгээрийг  шийдвэрлэхэд туслана.

Сургалтын зорилго:

Ажилд орох ярилцлагад сэтгэл зүйн хувьд тусгайлан бэлтгэх ба өөрийгөө илэрхийлэх дадлыг хөгжүүлэх.

Зорилт:

-       Ажил олгогчид эерэг сэтгэгдэл төрүүлэх ба хувийн имижээ бүрлүүлэхэд суралцах,

-       Аливаа ярилцлгын үед тохиолдож болох сэтгэл зүйн хүндэрлүүдийг (айдас түгшүүр, бухимдал) даван туулахад туслах,

-       Өөрийн мэргэжлийн зорилгыг ухамсарлах,

-       Байгууллагын онцлогоос хамааран нэмэлт зорилгуудыг боловсруулах чадвартай болгох,

-       Өөрийн ур чадварыг бодитоор үнэлэх боломжийг олгох,

-       Харилцааны урлаг ба өөрийгөө зөв илэрхийлэх аргуудад суралцах.

Үр дүн:

-       Ярилцлагын сэтгэл зүйн онцлогийг мэднэ,

-       Хувийн болон мэргэжлийн боломжийг танин мэднэ,

-       Сэтгэл хөдлөлөө удирдах аргуудад суралцана,

-       Ажил олгогчдод таатай сэтгэгдэл төрүүлж сурна,

-       Өөрийгөө илэрхийлэх болон имижээ бүрдүүлэх талаарх мэдлэгийг эзэмшинэ.

Сургах хэлбэр:

-       Мини лекц,

-       Хэлэлцүүлэг,

-       Бүлгээр ажиллах дасгалууд,

-       Видео үзэх,

-       Ажил хэрэгч, дүрт дасгалууд,

-       Оролцогчдын хувийн асуудлууд дээр ажиллах,

-       Сэтгэл зүйн техник эзэмших дасгалуудыг тус тус хэрэглэнэ.

 

Сургалт 2010.05.15-аас явагдаж эхэлнэ.

Үргэлжлэх хугацаа: 2 өдөр

Сургалтын төлбөр: 35.000 төгрөг

Бүртгэл: 2010.05.10-аас эхлэн өдөр бүр 9.00-17.00 цагийн хооронд бүртгэнэ.

Хаяг: Сүхбаатар дүүрэг, 9-р хороо, Их тойруу 70, “Хүдэрмөнх оффис”-ын байранд, 4 давхар,  405 тоот

Утас: 11324233, 99085086, 99083028

Вэб: www.psychology.mn

Э-шуудан: psychology_91@yahoo.com


Сэтгэл Судлалын Үндэсний Төв

СЭТГЭЛ СУДЛАЛЫН ҮНДЭСНИЙ ТӨВ нь саяхан нээгдлээ.

Хүний хөгжил, тэр дундаа сэтгэл зүйн боловсролоо дээшлүүлэхийг эрмэлзэгч хэн бүхэнд Сэтгэл Судлалын Үндэсний Төв хувь хүн болон байгууллага хамт олонд чиглэсэн дараах сэтгэл зүйн үйлчилгээнүүдийг санал болгож байгаа юм. Үүнд:

Бид яагаад дотны харилцаатай байхдаа хамтрагчаа /эхнэр эсвэл нөхөр, найз залуу эсвэл найз охиноо/ буруутай болгох гээд байдаг юм бэ?

Хүмүүс амьдралаа таатай болгох гэж, ялангуяа хайр, халамж, аюулгүй байдал гэх мэт бүр санаанд оромгүй зүйл хүртэлх сэтгэл зүйн хэрэгцээгээ хангах гэж хамтдаа нэгддэг. Хэрэв дотны хүнтэйгээ харилцах үед эдгээр хэрэгцээнүүд нь хангагдахаа байвал түгшүүр, стресс зэрэг зүйлс ихсдэг. Тэр үед бид хамтрагчаа ухамсаргүйгээр өөртөө захируулахыг хичээцгээдэг. Харин энэ аргуудын нэг нь буруутайн мэдрэмжийн тусламжтайгаар хэрэгждэг.

Dream IT - Mega Mongolia төслийн   "Эмч, эмнэлэгийн мэргэжилтнүүдэд зориулсан сэтгэл зүйн үйлчилгээ" хэмээх дэд төслийн хүрээнд 2010 оны 1 сардаа багтаан "Стресс ба ажлын байрны стресс"-ын тухай сэтгэл зүйн сургалтыг төсин "Сэтгэлийн толь" төвөөс зохион байгуулахаар төлөвлөөд байгаа юм.  Одоогоор 4 сургалтыг амжилттай явуулаад байна.

Орчин цагт "дэндүү давчуу, завгүй болсон нийгэмд" маань ажлаас үүдэлтэй стресс хэмээх үзэгдэл улам л ихэссээр байгааг хүмүүсийн сэтгэл зүйн байдлаас ажиглаж болохоор байгаа бөгөөд холбогдох судалгааны дүнгүүд мөн баталсаар байна.

Тэгэхээр бид сэтгэл тайван ажиллаж амьдрахыг хүсч байгаа бол эдгээр стрессээс өөрсдийгөө хамгаалж, сэргийлж, стрессийг даван туулах аргад суралцах хэрэгтэй юм. Хэрэв та стресс болон ажлын байрны стрессийн тухай илүү дэлгэрэнгүй мэдье гэвэл www.setgel.mn сайтны е-сургалтын булангаар зочлоорой!

Сэдлийн янз бүрийн төрлүүд байдаг. Тэдгээрийг тодорхойлохын тулд өдөр дутмын амьдралаас жишээ авъя. Тухайлбал, өглөө сэрүүлэг дуугарч биднийг сэрээхэд дотоод дуу хоолой юу хэлдгийг санацгаая: “Босох хэрэгтэй, тэгэхгүй бол бөөн асуудал гарна”. Дотроо ингэж хэлэн бид нар ажил, сургуульдаа хэрхэн хоцорч байгаагаа, хоцорсноос болж ямар үр дагавар бий болж буй дүр зураг төсөөлөгддөг. Эдгээр зураг томрохын хэрээр дотроо: “За за босъё” хэмээн өөртөө хэлдэг. Ингээд  та бид босох хангалттай сэдэлтэй болж байгаа хэрэг. Хүн, ямар нэгэн зүйлээс зайлсхийхийг хүсвэл түүнийхээ талаарх төсөөллийг бий болгож тодорхой үйлдэл хийхийн тулд дээр өгүүлсний дагуу өөрийгөө дайчлан хөдөлгөдөг байна.

Одоо өөр төрлийн сэдлийг авч үзье. Та өглөө нүдээ нээгээд өнөөдөр юу хийхээ бодож эхэлнэ. Толгойд орж ирсэн сэтгэл татам амьд дүр зургууд таныг орноос чинь яг л аварга том соронзон мэт татна. Энэ тохиолдолд орноосоо босох уу байх уу гэсэн асуулт таны толгойд огт төрөхгүй, харин “Хамгийн түрүүнд би юу хийх вэ?” гэсэн ганц асуулт танд үүсэх болно. Магадгүй, уншигч танд нэг бус удаа таатай, сайхан зүйлсийн талаар бодон энэ өдөр юу хийх вэ гэсэн бодлоор сэрж байсан байх. Тэрчлэн ямар нэгэн сайхан ажил хийх тухай, амжилт гаргана гэдэгтээ өөртөө итгэлтэй байж, тэр ажлаа гүйцэтгэн шагнуулж байгаагаа төсөөлөн бодсон биз.

Сэтгэл судлалд дээр өгүүлсэн хоёр төрлийн сэдэл аль хэдийнээ танил болсон байдаг. Нэгийг нь азгүйтэхээс зайлсхийх, харин нөгөөхийг нь амжилтанд хүрэх сэдэл хэмээн нэрлэдэг. Энэхүү хоёр сэдэл нь өөрөөр хэлбэрээр, өөр өөр чиглэлд, өөр өөр үр дүнтэй үйлчилдэг. Бүх хүмүүс тодорхой түвшин хүртэл хоёуланг нь ашигладаг боловч аль нэгийг нь илүү дагадаг. Жишээ нь, даргыгаа ажлаас халж байгааг төсөөлхөөс нааш орноосоо босч чаддаггүй хүнд өөр олон олон асуудалд азгүйдэхээс зайлхийх сэдэл давамгайлсан байх илүү магадлалтай байдаг. Ийм хүмүүс найз нөхдөө сонгохдоо өөрт нь “төвөг болохооргүй” хүмүүст илүү анхаарлаа хандуулдаг байна. Мөн цаашид яагаад ч тэсэхгүй нь гэдгээ ойлгох хүртлээ ажлаа солих талаар шийдвэр гаргаж чаддаггүй.

Харин амжилтын сэдэл давамгайлсан хүн өглөө сэрээд орноосоо хурдан босоод өөрийн мөрөөдлөө биелүүлэхсэн гэхээс тэсч яддаг. Ихэнхдээ эдгээр хүмүүс бусад тохиолдолд ч энэхүү сэдлээ хэрэглэдэг.  Жишээ нь, ажлынхаа хамтрагч нартай ярилцаж, өөрийгөө аяга цайгаар баярлуулах зэргээр хэдийд ажлын завсарлага авахаа шийдэхдээ ямар нэгэн төлөвлөсөн ажлаа гүйцэтгэснийхээ дараах үеийг сонгодог. Мөн ажлын байраа илүү сайхнаар солих боломж гарсан тохиодолд ажлаа солих шийдвэрээ хурдан гаргаж чаддаг байна.

Хоёр сэдлийг харьцуулаад  үзэхэд амжилтанд хүрэх сэдлийн стратеги нь илүү тааламжтай сэтгэгдэл төрүүлэх нь лавтай. Гэвч практикаас харахад тус хоёр сэдлийн аль аль эерэг бас сөрөг талтай байдаг байна. Жишээ нь, зарим хүмүүс зорилгодоо хүрэхэд хэт төвлөрснөөс болоод тулгарч болзошгүй асуудлуудын талаар боддоггүй. Ийм төрлийн сэтгэхүй ихэвчлэн залуу удирдлагуудад байдаг. Нөгөө талаас азгүйтэхээс зайлсхийх сэдэл нь хэт хүчтэй байж, айснаасаа болоод ямар ч оролдлого хийхгүй байх нь бий.



Тус стратегууд нь хоёулаа чухал учраас бид бусад хүмүүсийг сэдэлжүүлэхдээ мөн  ашиглаж болно. Энэ талын мэдлэг нь ялангуяа захирал, удирдлагуудад их хэрэг болдог. Тухайлбал, хүмүүсийн зан үйлийг ажиглаад хэнд нь илүү урамшуулал, магтаал өгөхөө амархан тодорхойлж болно. Шагнуулна гэдгээ мэдсэн хүмүүс илүү чармайлттай ажиллах бөгөөд амжилттай яваа дарга хүн тэдгээр хүмүүстэй ажиллахдаа амжилтанд хүрэх сэдлийг /зорилгоо тодорхойлох ба шагнал өгөх/ ашиглаж болно. Харин азгүйтэхээс зайлсхийх стратегийг сонгож буй хүмүүс мэдээж шагналд тийм ч ач холбогдолгүй байх бөгөөд хэрэв та дарга байсан бол: “Би тэдэнд дуртай шагналыг нь санал болгодог ч олигтой хөдөлдөггүй” гэх байсан биз. Хэрвээ дарга нь дургүйцлээ тайван өнгөөр хэлээд харин халах тухай шүүмжлэнгүй аясаар сануулахад ажилчид яг л галзуу юм шиг ажиллах бий вий.

Эцэст нь хоёр төрлийн сэдлийг ашиглах бас нэгэн салбарыг сануулъя. Жишээ нь, та байгууллагадаа шинэ зорилго танилцууллаа гэхэд амжилтанд хүрэх сэдэлтэй хүмүүс юун түрүүнд таныг дэмжих вий. Харин азгүйтэхээс зайлсхийдэг сэдэлтэй хамт олны гишүүд тань ямар нэгэн болохгүй бүтэхгүй зүйлсийг дурдан, мөн яагаaд гэдгийг нь тайлбарлаж өгөх буй за. Хамгийн гол нь тэд нарын юу хэлэхийг дуустал нь сонсоорой гэж танд зөвлөмөөр байна. Учир нь, тэдний ярьсан зүйлс “усан доорх чулуунуудыг” харахад танд туслах болно.

Сайн байцгаана уу!
Мега Монголия-Дрим АйТ төслийн Дэд төсөл болох Эмч, сувилагч нарт зориулсан сэтгэл зүйн сайт маань ажиллаж эхэллээ!

Эндээс:

• Сэтгэл зүйн зөвлөгөөг онлайнаар /интернетээр/ авах,
• Сэтгэл зүйн болон эрүүл мэндийн зөвлөгөө бүхий сонирхолтой нийтлэлүүдийг хүлээн авах, |
• Сэтгэл зүйн тестээр өөрийгөө сонжих,
• Дуу хөгжим сонсож, зураг харан, тоглоом тоглож алжаалаа тайлах,
• Мэргэжлийн хүрээнд хэлэлцүүлэг явуулах,
• Стресс, ажлын стрессийн тухай, тэдгээрээс хэрхэн сэргийлэх арга замуудын талаар цогц мэдээлэл агуулсан онлайн сургалтыг бие дааж судлах зэрэг боломжүүдийг өөртөө олгох болноо.

Та илүү дэлгэрэнгүй мэдэхийг хүсвэл www.setgel.mn сайтруу зочлоорой!